Lagna Palapala 2020-08-18 | ලග්න පලාපල | Gurukam.net

ප්‍රවීණ ජෝතිර්වේදී සහ වාස්තු විද්‍‍යා උපදේශක රුක්ෂාන් ජයසේකර : 0715709000

අද දවස ඔබට

2020 අගෝස්තු මස 18 වන අඟහරුවාදා

ඉර උදාව  - පෙරවරු 06.04 ට

ඉර බැසීම - පස්වරු 18.22 ට

රාහු කාලය

දිවා 15.04 සිට 16.22 දක්වා

රාත්‍රී 03:04 සිට 4.22 දක්වා

සුභ දිශාව            - නැගෙනහිර

මරු සිටින දිශාව - බස්නාහිර

මේෂ

බුද්ධිය මෙහෙයවා කටයුතු කළ හැකි සාර්ථක දිනයකි. තම ආකල්ප ඉදිරිපත් කිරීමෙන් සමාජයේ කැපී පෙනීමේ ප්‍රවණතාවක් ඇති වේ. මිත්‍රයන්ගෙන් ලැබෙන ලාභ ප්‍රයෝජන අධික දවසකි. අධ්‍යාපනයේ දී අවැසි පහසුකම් පහසුවෙන් ලබාගත හැකිය. පියපස ඥාතීන්ගේ පැමිණීමක් ද අපේක්ෂා කළ හැකිය. මවුපියන් පිළිබඳ අසතුටුදායක ආරංචියක් අසන්නට ඉඩකඩ ඇති දිනයකි. යාන වාහන ඉඩකඩම් මිල දී ගැනීමට සිත යොමු වුවත් ඒ සඳහා එතරම් සුදුසු දිනයක් නොවනු ඇත. කුසල් වැඩීමට සිත යොමු කිරීම වඩාත් යහපත්ය. රතු පැහැයට හුරු වස්ත්‍රාභරණවලින් සැරසෙන්න. ජය වර්ණය - රතු,   ජය අංකය  -  09,

වෘෂභ

පරිභෝජන රටාව ඉහළ යයි. මානසික තත්ත්වය උසස් වී සිතේ ඇති කරන නොසන්සුන්තාව අඩු කරයි. ගුප්ත ශාස්ත්‍රය වැනි ශාස්ත්‍ර ඉගෙනීමේ කටයුතුවලට සිත යොමු කරයි. අසනීපවලින් ඉක්මනින් සුවය ලැබීමේ භාග්‍යය උදා කරයි. සතුරු උවදුරුවලින් තොර දිනයකි. විදේශගත අයගෙන් සම්පත් ලැබීමේ ප්‍රවණතාවයක් ද ඇති කරයි. පුණ්‍ය කටයුතු කෙරෙහි සිත ඇලී යන බවක් පෙන්නුම් කරයි. ආදායම් තත්ත්වය ඉහළ යන බැවින් ව්‍යාපාර කටයුතු සඳහා උනන්දුව වෙනදාට වඩා ඉහළ යයි. සුදු පැහැයට හුරු වස්ත්‍රාභරණයෙන් සැරසෙන්න. ජය වර්ණය - නිල්,   ජය අංකය - 05

මිථුන

ලොතරැයි ආදියෙන් ලැබෙන ධනයකට හිමිකම් කියන දිනයකි. ආදායම් මාර්ග වැඩි දියුණු වී මිල දී ගැනීමේ හැකියාව ඉහළ යයි. කල්ගත වූ අසනීප තත්ත්වයකින් මිදීමේ හැකියාව උදා කරන දිනයකි. වන්දනා  ගමනකට කටයුතු යෙදේ. ඥාති සහෝදරයකුගේ කටයුත්තකට සහභාගි වීමට අවස්ථාවක් උදා වේ. නඩුහබවලට පැටලී සිටින අයට අවාසිදායක තත්ත්වයක් උදා කිරීමට කටයුතු යෙදේ. ලෞකික සැප පිණිස ලොල්වීම වෙනදාට වඩා සිදුවනු ඇත. අද දින රස කැවිලි දන් දෙන්න. ජය වර්ණය - කොළ,  ජය අංකය - 05,

කටක

ගෞරව සම්මානවලට පාත්‍ර වීම තුළින් සුප්‍රසිද්ධියට පත්වන දිනයකි. ලෞකික කටයුතුවලට වඩාත් සිත යොමු වන බැවින් වියදම් අධික දවසකි. පෞද්ගලික සතුරන් සහ විරුද්ධවාදීන් වැඩිවීමේ ප්‍රවණතාවක් ඇති වෙයි. චෙක්පත් සහ ගිවිසුම් අත්සන් කිරීමේ දී වඩාත් ප්‍රවේශම් විය යුතු සහ බුද්ධිමත්ව කටයුතු කළ යුතුය. සහෝදරයන් සමඟ ඇතිවන මතභේද සහ ගැටලු උත්සන්න විය හැකිය. උදරාබාධ සහ කුඩා බඩවැලේ හට ගන්නා තුවාල (ගැස්ට්‍රයිරීස්) වැනි රෝග කෙරෙහි වඩාත් අවධානය යොමුකළ යුතු වේ. කහ සුදු වස්ත්‍රාභරණයෙන් සැරසෙන්න. ජය වර්ණය - ක්‍රීම් පාට, ජය අංකය - 02,

සිංහ

ආගමට දහමට ළැදිවීම තුළින් සිතෙහි මෙතෙක් පැවති ව්‍යාකූල තත්ත්වයන් සමනය කරගත හැකිය. උසස් අධ්‍යාපනයෙන් ජය ලැබීමේ මහඟු අවස්ථාවක් නිර්මාණය වේ. ණය ගැතියන්ගෙන් මෙතෙක් නොලැබුණු ණය මුදලක් ලබා ගැනීමේ භාග්‍ය උදා වේ. රත්රන් වැනි මිල අධික ආභරණ මිල දී ගැනීමේ දී වංචනිකයන්ට අසුවීමේ අවස්ථා සුලබ වේ. මංගල කටයුත්තකට බාධා පැමිණේ. සමීපස්ථ ඥාතියකුගේ උත්සව අවස්ථාවකට සහභාගී වීමට කටයුතු යෙදේ. කෙටි ගමන් යෙදේ. රතු පැහැයට හුරු වස්ත්‍රාභරණයෙන් සැරසෙන්න.ජය වර්ණය - රතු,  ජය අංක - 01,

කන්‍යා

මුත්‍රා අමාරු සහ ඒ ආශ්‍රිත ආබාධ සුව අතට හැරේ. අවාසනාවන්ත සිදුවීම්වලින් මඟ හැරීමට අවස්ථා උදා වේ. ආර්ථික අපහසුතා මඟ හැරී ආදායම් තත්ත්වය සුබදායක වේ. රැකියාවලට බාධා මතු වේ. එම කටයුතුවල දී නීතිමය ගැටලු මතුවීමට ඉඩ ඇත. පියාගේ ධනයට මෙතෙක් නොවිසඳුණු ගැටලු නිරාකරණය වේ. අවිවාහක අයට මංගල යෝජනා ඉදිරිපත් වේ. ගෘහ නිර්මාණ ශිල්පයේ නිරත වූවන්ට වඩාත් වාසි සැලසේ. දූ දරුවන්ගේ අධ්‍යාපන කටයුතුවල අඩාල වීමක් සිදු වේ. නිල් පාට වස්ත්‍රාභරණයෙන් සැරසෙන්න. ජය වර්ණය - කොළ,   ජය අංකය -05,

තුලා

අවිවාහකයන්ට මංගල යෝජනා ඉදිරිපත් වේ. නඩුහබවලට පැටලී ඇති අයට සහන සැලසේ. මවගේ දේපළ ලැබීමේ භාග්‍ය උදා වේ. සංගීතය කෙරෙහි වෙනදාට වඩා ළැදි බවක් ඇති වේ. බුද්ධිමත් බවින් තොරව වැඩ කිරීමෙන් පාඩු සිදු වේ. තම රෝග පිළිබඳ වඩාත් උනන්දු විය යුතුය. වන්දනා ගමනකට කටයුතු යෙදේ. නව රැකියා අවස්ථා ජනිත වේ. රැකියාවල්වල නිරත අයට උසස්වීම් ලැබේ. භාරගෙන අතපසු වූ දෙයක් සාර්ථකව නිම කිරීමට හැකි වේ. ජය වර්ණය - නිල්,   ජය අංකය - 06,   ඊශ්වර දෙවිඳුට  සෙත් පතන්න.

වෘශ්චික

විරුද්ධ මත දරන අය තම මතයට එකඟ කරවා ගැනීමට හැකිය. උදරයෙහි හට ගන්නා රෝග ඇති වේ. වෙනදාට වඩා සටන්කාමී බවක් ඇති වේ. ආර්ථික ගැටලු විසඳා ගැනීමට වාසනාව යෙදේ. කාලත්‍රයාගේ වියදම් වැඩි දිනයකි. පිය උරුමයේ දේපළ පිළිබඳව සතුටුදායක ආරංචියක් ලැබේ. ඥාති පුද්ගලයකු පිළිබඳ අසුබ ආරංචියක් අසන්නට සිදු වේ. ආදර සබඳතා ඇතිවන අතර ඒ සඳහා වැඩිහිටියන්ගේ ආශිර්වාදය ද ලැබේ. මතක ශක්තිය වර්ධනය වේ. පංච වර්ණ මල් පූජා කරන්න.ජය වර්ණය - රතු,   ජය අංකය -09.

ධනු

දූ දරුවන් සම්බන්ධයෙන් සතුටුදායක ආරංචියක් ලැබෙන දවසකි. ආදායම් තත්ත්වයේ අඩු වීමක් දක්නට ලැබේ. ව්‍යාපාරික කටයුතුවල මතභේදකාරී තත්ත්වයක් ද ඇති විය හැකිය. ප්‍රේම සබඳතාවලට සුභ දිනයකි. සිතේ ස්ථාවර බව දැඩි වේ. අන් අයගේ ආකර්ෂණය ළඟා කරගත හැකිවනු ඇත. නිලතල, තනතුරු උසස් වීමක් දක්නට ලැබේ. පවුලේ සාමාජිකයින් පිළිබඳව වෙනදාට වඩා අවබෝධයකින් තීරණ ගනී. විවාහ අපේක්ෂකයන්ට සුබදායී ආරංචි ලැබෙනු ඇත. අද දින නිර්මාංශව සිටින්න. ජය වර්ණය - රන්වන්,   ජය අංකය -03,

මකර

උද්යෝගයෙන් වැඩ කළ හැකි අවස්ථා හිමි වේ. තම මව පිළිබඳ සොයා බැලීමට හැකි දිනයකි. කෙත්වතුවලින් ලැබෙන ධනයේ වර්ධනයක් ඇති වේ. සුවඳ විලවුන්, අලුත් ඇඳුම් කෙරෙහි සිත යොමු වන දිනයකි. නඩුහබවලින් ජය ගැනීමට හැකි වේ. ජනප්‍රියත්වය තමා පසුපස හඹා එයි. ලෙඩ රෝග සම්බන්ධයෙන් වඩාත් උනන්දු විය යුතුය. ආදර සබඳතා ගොඩනගා ගැනීමට හැකිය. අඹුසැමි සමඟිය කෙරෙහි වැඩි නැඹුරුවක් ඇති වේ. ආගමික කටයුතු කෙරෙහි වඩාත් උනන්දු විය යුතු දවසකි. කහපාට වස්ත්‍රාභරණයෙන් සැරසෙන්න.ජය වර්ණය - නිල්, ජය අංකය -08,

කුම්භ

මතක තබා ගැනීමේ ශක්තිය වැඩි කරන බැවින් ඉගෙනීමට ඇති නැඹුරුතාව වැඩි කරයි. හැඳුනුම්කම් වර්ධනයට හේතු යෙදේ. විවිධ ක්‍රම මඟින් ධනය ලැබීමට හේතු වේ. දූ දරුවන්ගේ සනීපය අඩාල කරන දවසකි. කෙටි ගමන් බිමන් වැඩිවන බැවින් වියදම් අධික වේ. සේවක කාරකාදීන්ගේ හා යාන වාහන ඉඩකඩම්වල ප්‍රශ්න මතු වේ. තම මවගේ සෞඛ්‍ය සම්බන්ධයෙන් වෙහෙසීමට සිදු වේ. නඩුහබ පිළිබඳව ගැටලුකාරී තත්ත්වයන් උද්ගත වේ. ප්‍රසිද්ධියට හේතුවන කරුණු ඇති වේ. අද දින නිර්මාංශව සිටින්න. ජය වර්ණය - නිල්, ජය අංකය - 06,

මීන

බැංකුවේ තැන්පත් ධනය වර්ධනයට හේතු කරුණු යෙදේ. දිගු කලක් සුව නොවූ රෝගයන් සුව වීමේ ප්‍රවණතාවක් ඇතිවන දිනයකි. අසල්වැසියන් සමඟ මිත්‍රශීලීව කටයුතු කළ හැකි අවස්ථාවන් උදා වේ. නීතිමය ගැටලුවකට මැදි වූ සහෝදරයකුට සහනය පිණිස කටයුතු යෙදේ. දූ දරුවන්ගේ නිලතල, තනතුරු උසස් වීමකට ලක් වේ. තම උරුමයෙන් ලැබෙන දේ ලබා ගැනීමට භාග්‍යය උදා වේ. ඉගෙනීමට ඇති කැමැත්ත අඩු වීමෙන් අධ්‍යාපන කටයුතු අඩාල වේ. බෝධිය වැඳ දවසේ වැඩ අරඹන්න. ජය වර්ණය - රන්වන්,  ජය අංකය - 03,