ප්‍රවීණ ජෝතිර්වේදී සහ වාස්තු විද්‍‍යා උපදේශක රුක්ෂාන් ජයසේකර : 0715709000
අද දවස ඔබට
2020 අගෝස්තු මස 02 වන ඉරිදා
ඉර උදාව - පෙරවරු 06.05 ට
ඉර බැසීම - පස්වරු 18.28 ට
රාහු කාලය
දිවා 16.35 ට සිට 18.04 දක්වා
රාත්‍රී 04.35 සිට 06.04 දක්වා
සුභ දිශාව - දකුණ
මරු සිටින දිශාව - උතුර
මේෂ
සිහි නුවණින් වැඩ කටයුතු ආරම්භ කළ හැකි දිනයකි. අධ්‍යාපන කටයුතුවල දී ඉතා ඉක්මනින් අවබෝධ කර ගැනීමේ ශක්තියක් ඇති වේ. සූදු ක්‍රීඩාවේ යෙදෙන්නන්ට ජය ලැබීමේ හැකියාවක් පවතී. ලේඛන කලාවට සම්බන්ධ වෘත්තිකයින් වැනි අංශවල විශේෂ දියුණුවක් ඇති කරවන තත්ත්වයක් මතු වේ. ප්‍රේම සබඳතාවලට එතරම් සුබදායි අවස්ථාවන් නැත. දූ දරුවන් සම්බන්ධයෙන් සතුටුදායී ආරංචියක් ලැබේ. කෘෂිකාර්මික කටයුතුවල නියැළි පුද්ගලයන්ට වඩාත් වාසිදායක වේ. රතු පැහැයට හුරු වස්ත්‍රාභරණවලින් සැරසෙන්න. ජය වර්ණය - රතු, ජය අංකය - 09
වෘෂභ
දවස ආරම්භයේ සිට ක්‍රියාශීලීභාවයෙන් තොර දිනයකි. කල් අල්ලා පවතින අසනීප තත්ත්වයන් සුව වේ. ප්‍රේම සබඳතාවලට වැඩිහිටි ආශිර්වාදය නොලැබීමෙන් ගැටලුකාරී තත්ත්වයක් මතු වේ. තම ආකල්ප ඉදිරිපත් කිරීමේ දී අන් අයගේ එකඟතාවන් අඩු වේ. උසස් අධ්‍යාපනය සඳහා උදව් උපකාර ලැබේ. නීතිය, තර්ක ශාස්ත්‍රය වැනි විෂයන් කෙරෙහි යොමු වූ අයට විශේෂ වේ. වියදම් අඩු වීමෙන් සිතට සැනසිල්ලක් ඇති වේ. සුදු පැහැයට හුරු වස්ත්‍රාභරණයෙන් සැරසෙන්න.ජය වර්ණය - නිල්, ජය අංකය - 05
මිථුන
කලක් තිස්සේ ඉල්ලීමක් දිනා ගැනීමට හැකි දිනයකි. අන්‍යෝන්‍ය අවබෝධයකින් වැඩ කටයුතු කිරීමේ නැඹුරුවක් ඇති වේ. රූපලාවණ්‍ය විලාසිතා කෙරෙහි යොමු කෙරේ. මුත්‍රා රෝග වැනි ලෙඩවලින් මිදීමට හැකි වේ. උදරය සම්බන්ධ රෝගී තත්ත්වයක් උත්සන්න විය හැකිය. තම ඥාති සහෝදරයකු සමඟ ගැටළු ඇති වීමේ ප්‍රවණතාවයක් ඇති වේ. දූ දරුවන්ගේ අධ්‍යාපන කටයුතු අඩාල වීමක් හෝ අතපසු වීමක් දක්නට ලැබේ. වෙහෙස මහන්සි වී වැඩ කටයුතු කළ ද ප්‍රතිඵල හීන කරයි. අද දින රස කැවිලි දන් දෙන්න.ජය වර්ණය - කොළ, ජය අංකය - 05,
කටක
මංගල යෝජනාවක් පිළිබඳ අදහස් වෙනස් වීමේ තත්ත්වයක් මතු වේ. ප්‍රේම සබඳතාවලට බලාපොරොත්තු සඵල නොවන දිනයකි. ව්‍යාපාරික කටයුතු අසාර්ථක වීමෙන් ආදායම් තත්ත්වය පහළ යනු ඇත. රැකියාවේ ස්ථීරත්වය සහ උසස්වීම් අපේක්ෂා කළ හැකි දිනයකි. පියාගේ උරුමයට හිමිකමක් ඇති වන අවස්ථාවන් උදා කරයි. ඉඩකඩම් දේපළ පිළිබඳ ගැටලුකාරී තත්ත්වයක් මතු වීමට ඉඩ ඇත. මව මුල් කරගත් කටයුතුවල දී බාධා මතු වේ. බද්දට දීම, කුලියට දීම වැනි කටයුතුවලට වඩාත් සුබදායක වේ. කහ සුදු වස්ත්‍රාභරණයෙන් සැරසෙන්න.ජය වර්ණය - ක්‍රීම් පාට, ජය අංකය - 02,
සිංහ
ප්‍රිය මනාප පෙනුමක් මතු කරන දිනයකි. තමාගේ නමට ලැබෙන ප්‍රසිද්ධිය සහ ගෞරවය තීව්‍ර කෙරෙන සාධක යෙදේ. උත්සාහවන්තව වැඩ කටයුතු කිරීමට සිත යොමු වේ. කල්ගත වූ අසනීප තත්ත්වයක් සුව අතට හැරීමේ නැඹුරුතාවක් පවතී. රැකියා කරන ස්ථානයේ අර්බුදකාරී වාතාවරණයක් නිර්මාණය වීමට බොහෝ සෙයින් ඉඩකඩ පවතී. රැකියාවේ ස්ථාවරත්වය පිළිබඳව ද ප්‍රවේශම් විය යුතුය. මුදල් තත්ත්වය යහපත් වනු ඇත. රතු පැහැයට හුරු වස්ත්‍රාභරණයෙන් සැරසෙන්න.ජය වර්ණය - රතු, ජය අංක - 01,
කන්‍යා
දරු පිළිසිඳ ගැනීමක් පිළිබඳ බලාපොරොත්තු සහගතව සිටින අය හට සතුටුදායක ආරංචියක් ලැබේ. ආදරය දිනා ගැනීමට හැකි වීම සහ ආදර සබඳතා වර්ධනය වන දිනයකි. ආදායම් තත්ත්වය ඉහළ යෑමෙන් ඔබගේ මූල්‍ය ගැටලු නිම කිරීමේ මහඟු අවස්ථාවන් උදා වේ. නමුත් ඔබගේ දරුවන්ට එතරම් යහපත් නොවේ. ඇස් සම්බන්ධ රෝගාබාධවලින් ප්‍රවේශම් වියයුතු දවසකි. සිහි කල්පනාවෙන් තොරව වැඩ කටයුතු කිරීමෙන් පාඩු සිදුවිය හැකිය. නිල් පාට වස්ත්‍රාභරණයෙන් සැරසෙන්න.ජය වර්ණය - කොළ, ජය අංකය -05,
තුලා
බුද්ධිමත්භාවයෙන් සහ සිහි කල්පනාවෙන් තොරව වැඩ කටයුතු කරන දිනයකි. ශරීර සෞඛ්‍ය පිළිබඳව ද ගැටළුකාරී තත්ත්වයන් මතු වේ. ඉගෙනීමට ඇති කැමැත්ත, ආශාව හීන කරයි. තමා සන්තක දේපළ හෝ තමා සතු වීමට ඇති දේපළ පිළිබඳ දැඩි ලෝභ සිතුවිලි මත ක්‍රියා කරයි. ජනප්‍රියත්වය ලබා ගැනීම සඳහා තම මතය නිර්භීතව ඉදිරිපත් කිරීමට ක්‍රියා කිරීමක් දක්නට ලැබේ. ගොවිපලවල් ආශ්‍රිත රැකියාවල නිරත අයට වැඩි වාසි අත්කර ගැනීමට හැකි දවසකි. කොළ කහ වර්ණ ඇඳුම් අඳින්න. ජය වර්ණය - නිල්, ජය අංකය - 06,
වෘශ්චික
සිත එකඟ කර ගැනීමේ ශක්තියක් පවතින දිනයක් බැවින් කලබලකාරී තත්ත්වයෙන් තොරව වැඩ කටයුතු කිරීමේ හැකියාවක් පවතී. අලුත් ඇඳුම් පැළඳුම් මිල දී ගැනීමට අපේක්ෂා කරන දවසකි. මුත්‍රා ආබාධ, සැරව සහිත ගෙඩි වැනි රෝග සුව වීමේ ප්‍රවණතාවක් ඇති කරයි. ප්‍රේම සබඳතා හා විවාහ අපේක්ෂකයන්ගේ ප්‍රාර්ථනා සම්බන්ධයෙන් ගැටළුකාරී තත්ත්වයන් මතු කරයි. ව්‍යාපාරික කටයුතු සාර්ථක වේ. කෘෂිකාර්මික කටයුතුවල නියැළෙන අයට වාසිදායක වේ. පංච වර්ණ මල් පූජා කරන්න. ජය වර්ණය - රතු, ජය අංකය -09,
ධනු
වෙනදාට වඩා තම කායික පෙනුම පිළිබඳ කැපවීමක් දක්වන දිනයකි. ධනය ලැබීමේ අඩු භාවයක් පෙන්නුම් කරයි. ව්‍යාපාරික කටයුතුවලට වඩාත් උනන්දු විය යුතුය. ලෙඩ දුක් සුව කර ගැනීමේ හැකියාවක් වෙනදාට වඩා පවතී. විවාහ අපේක්ෂකයන්ට සුබ වාතාවරණයක් නිර්මාණය වේ. උසස් පුද්ගලයෙකුගේ ඇසුර ලැබීමේ භාග්‍ය උදා වේ. බාල සහෝදරයකුගෙන් හෝ මිතුරෙකුගෙන් ලාභ ප්‍රයෝජන ලැබේ. ගායන ක්ෂේත්‍රයේ වැඩමුළු, විවිධ සංදර්ශනවලට සහභාගි වන අයට ජය ගැනීමට පහසු වේ. අද දින නිර්මාංශව සිටින්න. ජය වර්ණය - රන්වන්, ජය අංකය -03,
මකර
එඩිතර තීන්දු ගැනීමට පසුබට නොවී ක්‍රියා කරයි. ජීවිතයේ තමාට හිමි ස්ථාවරත්වය රැක ගනී. ආදායම් තත්ත්වය මඳක් ඉහළ යයි. ප්‍රකාශන කටයුතුවල නියැළි පුද්ගලයන්ගේ රැකියා කටයුතු සාර්ථක වේ. ආදර සබඳතා බිඳ වැටේ. දූ දරුවන්ගේ අධ්‍යාපනය සහ කුසලතාවයන් කෙරෙහි ගැටලුකාරී තත්ත්වයන් මතු කෙරේ. දේපළ වැඩි දියුණුවට පත් වේ. මිත්‍ර ඇසුර වර්ධනය වේ. බාල සහෝදරයකු සම්බන්ධයෙන් සතුටුදායක ආරංචියක් ලැබේ. අරපිරිමැස්මෙන් කටයුතු කරයි. කහපාට වස්ත්‍රාභරණයෙන් සැරසෙන්න.ජය වර්ණය - නිල්, ජය අංකය -08,
කුම්භ
අන්‍යයන්ගෙන් ලැබෙන සහයෝගය මත උද්යෝගයෙන් වැඩ කටයුතු කිරීමට හැකි වේ. සෞඛ්‍ය තත්ත්වය යහපත් අතට හැරෙයි. අධ්‍යාපන කටයුතුවල දී සාර්ථක වීමට උත්සාහ ගත යුතුය. දූ දරුවන්ගේ වියදම් අධික වීම සිදුවිය හැකිය. ස්ත්‍රීන් යටතේ රැකියාවල නිරත අයට වඩාත් වාසි ලැබේ. ආදරවන්තයන් වෙනදාට වඩා ආදරණීය බැඳීම් ඇතිකර ගනී. අක්‍රමවත් රුධිර සංසරණ තත්ත්වයන් පැවති අයගේ ක්‍රමවත් බවක් ඇති වේ. නඩුහබවලට පැටලී සිටින අයට අවාසි සහගත තත්ත්වයන් උද්ගත වනු ඇත. අද දින නිර්මාංශව සිටින්න.ජය වර්ණය - නිල්, ජය අංකය - 06,
මීන
තම ආශාවන් සහ සිතුම් පැතුම් අවබෝධ කරගෙන කටයුතු කළ යුතු දිනයකි. ඕනෑම ක්‍රියාවකට ඉදිරිපත් වීමේ ප්‍රවණතාවක් ඇති වේ. කෙසේ හෝ ආදායම වැඩි කර ගැනීමට උත්සුක වීමෙන් ගැටලුකාරී තත්ත්වයන්ට මුහුණ දීමට සිදු වේ. ගෘහ නිර්මාණ ශිල්පය වැනි කලාත්මක නිර්මාණ කෙරෙහි සිත වඩාත් යොමු වනු ඇත. නිවසේ අලංකරණ කටයුතු පිළිබඳ වෙනදාට වඩා උනන්දු ස්වභාවයක් ඇති වේ. ඥාතියකුගේ පැමිණීමක් බලාපොරොත්තු විය හැකිය. බෝධිය වැඳ දවසේ වැඩ අරඹන්න. ජය වර්ණය - රන්වන්, ජය අංකය - 03,
No comments:
Post a Comment