Lagna Palapala 2020-11-02 ලග්න පලාපල | Gurukam.net

ප්‍රවීණ ජෝතිර්වේදී වාස්තු විද්‍‍යා උපදේශක රුක්ෂාන් ජයසේකර : 0715709000

අද දවස ඔබට

2020 නොවැම්බර් මස 02 වන සඳුදා

ඉර උදාව  - පෙරවරු 05.58 ට

ඉර බැසීම - පස්වරු 17.49 ට

රාහු කාලය

දිවා 07.28 සිට 08.57 දක්වා

රාත්‍රී 19.28 සිට 20.57 දක්වා

සුභ දිශාව            - නැගෙනහිර

මරු සිටින දිශාව - වයඹ

මේෂ

ඉඩකඩම් සම්බන්ධ කටයුතුවලින් ලාභ ලැබිය හැකි දිනයකි. අධ්‍යාපන කටයුතුවල වෙනදාට වඩා ප්‍රගතියක් පෙන්වයි. උදරයේ පහළ අසනීප ගති මතු කරවිය හැකිය. තම හැකියාව වර්ධනය කර දෛනික කටයුතු සාර්ථක කර ගනියි. රැකියා ස්ථානයේ උසස්වීම්වලට හා වැටුප් වර්ධකවලට හේතු වේ. උසස් අය අතර ඔබ ප්‍රශංසාවට ලක් වේ. සේවක කාරකාදීන් ඔබ සමඟ ඉතා සහයෝගයෙන් කටයුතු කරයි. ජය වර්ණය - රතු,   ජය අංකය  -  09,    කැකුළු සහල්වලින් තැනූ කිරිබත් දන් දෙන්න.

වෘෂභ

බැංකු කටයුතු හා ආයෝජන කටයුතුවල දී දෙවරක් සිතා බලා කටයුතු කරන්න. අලාභ සිදුවිය හැකිය. හවුල් ව්‍යාපාර ආදියට සුබදායක දිනයක් නොවේ. හවුල්කරුවන් අතර මතභේද ඇති කරවිය හැකිය. අධ්‍යාපන කටයුතු සඳහා කැප කිරීම් තරමට ප්‍රතිඵල ලබා ගැනීම අපහසුය. දණහිස් ආබාධ ආදිය මතු කරවයි. සහෝදරයකුගේ කාර්යයක් සඳහා වැඩි මැදිහත්වීමක් පෙන්වයි. පැරණි ඉඩකඩම් සම්බන්ධයෙන් කාලය, ශ්‍රමය හා ධනය ද වැය කරයි. ජය වර්ණය - නිල්,   ජය අංකය - 05,    බණ පොතක් පූජා කරන්න.

මිථුන

රැකියා අපේක්ෂාවෙන් සිටි අයට බලාපොරොත්තු සඵල කරගත හැකිය. ආදර සබඳතා වර්ධනය වේ. නඩු හබ ආදියෙන් පාඩු විය හැකි නිසා එවැනි දෑ පිළිබඳ කල්පනාකාරී වන්න. අනවශ්‍ය වියදම් ඉහළ යයි. ගෙදර දොර අලුත්වැඩියාවන් සඳහා වැය පාර්ශ්වය වැඩිවිය හැකිය. කාලත්‍ර පාර්ශ්වයේ අසනීප ගති මතු කරයි. කෙටි ගමන් බිමන් කිහිපයක් යෙදේ. අධ්‍යාපන කටයුතුවල නිරත දුවා දරුවන්ගේ කටයුතු සාර්ථක වේ. කලා කුසලතාවයන් වර්ධනය සඳහා සුභ දිනයකි. ජය වර්ණය - කොළ,  ජය අංකය - 05,  වියළි ආහාර හා තෙල් දුප්පතෙකුට පරිත්‍යාග කරන්න.

කටක

ප්‍රේම සබඳතාවලට සුබදායක දිනයකි. වැඩිහිටි ආශිර්වාදය ලබාගත හැකිය. අසල්වැසියකු සමඟ ගැටුමක් ඇති කරවන බවක් පෙන්වයි. කල්පනාකාරීවන්න. රැකියාවෙන් අපේක්ෂිත ප්‍රතිඵල අද දිනය තුළ ඔබට ලබාගත හැකිය. පපුව ආශ්‍රිත රෝගී තත්ත්වයන් ගැන කල්පනාකාරී වන්න. විවාහක ඔබගේ කටයුතුවලට කාලත්‍ර පාර්ශවයෙන් වැඩි සහයක් ලැබේ. පියපස ඥාතියෙකු පිළිබඳ අසුබදායක ආරංචියක් අසන්නට ලැබේ. ජය වර්ණය - ක්‍රීම් පාට, ජය අංකය - 02,  අලුයම අවදිව කිසිවක් පානය නොකර සූර්යා දෙසට ජලය ඉසින්න.

සිංහ

මවුපස ඥාතියකුගේ හමුවක් විය හැකිය. අධ්‍යාපන කටයුතුවල දී වෙනදාට වඩා කාර්යක්ෂම බවකින් සිදු වේ. යුග දිවි සබඳතාවල ගැටලු ඇති වේ. ජලය ආශ්‍රිත කටයුතුවල නිරත අයට අද දිනය සුබදායක දිනයක් නොවේ. ඔබගේ පෞරුෂත්වයට හානි කරවිය හැකි දේ අද ඔබ අතින් විය හැකිය. එබැවින් ඉක්මන් තීරණ ගැනීමේ දී කල්පනාකාරී වන්න. නිවසේ කටයුතුවලට වැඩි කාලයක් හා ධනයක් වැය කරයි. ජය වර්ණය - රතු,  ජය අංක - 01,   කෝවිලකට හෝ පන්සලකට ධාන්‍ය වර්ග පූජා කරන්න.

කන්‍යා

වෛද්‍ය සහ හෙද සේවයේ නියතු අයගේ කාර්යබහුලත්වය වැඩි කරයි. පවුලේ සබඳතාවලට ගැටලු ඇති විය හැකිය. ඥාති හිතවතුන් හෝ අසල්වාසීන් නිසා මනසේ ව්‍යාකූලත්වයක් ඇති කරයි. දරුඵල අපේක්ෂාවෙන් සිටින අයට ශුභදායක ආරංචි ලැබේ. නව සොයාගැනීම්, නිර්මාණ ආදිය සිදු කිරීමට අද දිනය  සුබදායකය. කාර්මික අංශයේ රැකියාවල නියුතු අයගේ ආදායම වර්ධනය කරයි. පිය පාර්ශවයේ ඥාතියකුට අපලදායක දිනයකි. ජය වර්ණය - කොළ,   ජය අංකය -05,   ඉර බැසීමට විනාඩි 45 කට පෙර දුගීන්ට පරිත්‍යාග කරන්න.

තුලා

තමාගේ  ක්‍රියාවක් පිරිසකගේ ප්‍රශංසාවට ලක් වේ. සහෝදරයකුගේ කාර්යයකට මැදිහත්වීමට වේ. නව සබඳතා කිහිපයක් ගොඩනැඟෙනු ඇත. දුර බැහැර ගමන් කිහිපයක් යෙදේ. බොහෝ විට ඔබගේ කාලය ශ්‍රමය මෙන්ම ධනය වැය කරන නිරර්ථක ගමන් බිමන් විය හැකිය. අධ්‍යාපන කටයුතුවල දී අලස බවක් හා නිද්‍රාශීලී බවක් ඇති කරවයි. දූ දරුවන්ට අසනීප ආදිය ඇති කරවන දිනයකි. මංගල යෝජනාවලට සුභ දිනයකි. ජය වර්ණය - නිල්,   ජය අංකය - 06,   එළඟිතෙල්, මුදවාපු කිරි පරිත්‍යාග කරන්න.

වෘශ්චික

හවුල් ව්‍යාපාර ආදියෙන් ප්‍රතිඵල ඉහළය. නව ව්‍යාපාර අවස්ථා ද හිමිවන ලකුණු පෙනේ. යුග දිවි සබඳතාවල දී ආවේගශීලී භාවය නිසා ගැටලු ඇති කරවයි. මනස හා සිතේ සතුට රැක ගැනීමට ප්‍රයත්නයක් දැරිය යුතු වේ. පොත්පත් හා ලිපි ලේඛන කටයුතුවලින් අලාභ සිදුවිය හැකිය. හිසේ වේදනා ආදිය ඇති කරවයි. දෛනික කටයුතුවල උද්‍යෝගිමත් බවක් පෙන්වයි. තමා කරන කටයුතුවලින් වෙනදාට වඩා ප්‍රතිඵල ලබාගත හැකිය. ජය වර්ණය - රතු,   ජය අංකය -09,   වැඩිපුර ප්‍රමාණයක් රන් ආභරණ පළඳින්න.

ධනු

ඔබට පැමිණ සතුරු කරදර ආදිය ඉවත්ව යන දිනයකි. මවු පාර්ශ්වයේ කටයුත්තකට වැඩි කාලයක් ගත කරයි. උසස් අධ්‍යාපන කටයුතුවල නිරත අයගේ කටයුතු සාර්ථක කරයි. කෘෂිකර්ම කටයුතුවලින් ලාභ ලැබිය හැකි දිනයකි. උදරය ආශ්‍රිත අසනීපවලින් ප්‍රවේසම් වන්න. යුගදිවි සබඳතාවල සුහදත්වය ඈත් කරවයි. කාලත්‍ර පාර්ශවය සමඟ වචන හුවමාරු ඇතිවීමට ද හේතු වේ. ඥාති සහෝදරයකුගේ ක්‍රියාවක් නිසා මනසේ ව්‍යාකූල ගතියක් ඇති කරයි. ජය වර්ණය - රන්වන්,   ජය අංකය - 03,   තිර 5 ක පහනක් තබා ලක්ෂ්මීට පූජා කරන්න.

මකර

උසස් අධ්‍යාපන කටයුතුවල නිරත දූ දරුවන්ට අවශ්‍ය උපකාර සෑම අතින්ම ලැබේ. තැන්පත් ධනය පිළිබඳ ගැටලු ඇති කරයි. හවුල් ව්‍යාපාර ආදියෙන් බලාපොරොත්තු ලාභ ලැබීම අපහසුය. දණහිසේ හෝ යටිපතුල් ආශ්‍රිත වේදනාකාරී තත්ත්වයන් ඇති කරයි. සහෝදරයකුට අපලකාරී දිනයක් වනු ඇත. නිවසේ අලුත්වැඩියා කටයුතු කිහිපයක් පිළිබඳ සාකච්ඡාවක් ඇති වේ. තමා වෙත පැමිණෙන සතුරු කරදර ඉවත්ව යන දිනයකි. ජය වර්ණය - නිල්, ජය අංකය - 08,   කුරුල්ලන්ට කෑමට ආහාර දමන්න.

කුම්භ

මිතුරු සබඳතා නිසා හානි ඇතිවිය හැකිය. පවුලේ ඥාතීන් වෙනුවෙන් පුණ්‍යමය කටයුත්තක් සඳහා ආරාධනාවක් ලැබෙයි. මතක ශක්තිය වැඩි කරයි. තමා සතු වටිනා දේ අස්ථානගත විය හැකි බැවින් කල්පනාකාරී වන්න. පැරණි දේ පිළිබඳ මතකය අවදි වේ. නැත්නම් පැරණි භාණ්ඩ කිහිපයක් නිවසට මිල දී ගනියි. සහෝදරයන් සමඟ මතභේද ඇති කර ගනියි. ආර්ථික සැලසුම් සඳහා ඉතා සුබදායක දිනයකි. හෘදයාබාධ අවදානමක් ඇත. ජය වර්ණය - නිල්, ජය අංකය - 06,   ධාන්‍යාහාර හෝ තෙල් දන් දෙන්න.

මීන

පවුලේ කටයුතුවලට ඉතා සුබදායකයි. සහෝදරයකුගේ කටයුත්තක් වෙනුවෙන් කාලය ශ්‍රමය වැය කරයි. රැකියා කරන ස්ථානය ගැටළු සහගත තත්ත්වයක් මතුකර විය හැකිය. නිවසට අමුත්තන් පිරිසක් පැමිණේ. සම්භාෂණයකට සහභාගී වේ. අදහස් ආකල්ප ඇතිව ක්‍රියාත්මක වන දිනයකි. ඔබ පිරිසක් ඉදිරියේ ප්‍රධානියකු බවට පත්වේ. ඉඩම්වලින් ලාභ ලැබීම සඳහා අද දින සුබදායකය. තැන්පත් ධනය වර්ධනය කර ගැනීමට හැකිය. ජය වර්ණය - රන්වන්,  ජය අංකය - 03,  මිදි හෝ මිදි යුෂ පරිත්‍යාග කරන්න.